01:00 (30.09.2020) ՄԱԿ-ի Անվտանգության խորհուրդի նիստ տեղի ունեցավ 29.09.2020 թ. փակ դռների ետևում `քննարկելու իրավիճակը:

23:50 ՄԻԵԴ-ը դիմել է Հայաստանին և Ադրբեջանին:

23:00 Ալիևը պատահականորեն ընդունում է, որ իրենք են նախաձեռնել հարձակումները Լեռնային Ղարաբաղի վրա

22:45 Հայկական բանակը խփել է թշնամու 137 տանկ և զրահամեքենա, 72 ԱԹՍ, 7 ուղղա­թիռ, 1 ինքնաթիռ:   Ա. Հովհաննիսյան

22։30 Ադրբեջանն ունի 790 զոհ, որոնցից 180-ը՝ Քարվաճառի շրջանում:  Ա. Հովհաննիսյան

21:00 Նիկոլ Փաշինյանը հեռախոսազրույց է ունեցել Վլադիմիր Պուտինի հետ:

19:00 ԵԱՀԿ Մշտական Խորհուրդը Վիեննայում, տեղական ժամանակով ժամը 17.00-ին հատուկ նիստ է գումարել Լեռնային Ղարաբաղի կոնֆլիկտի զարգացումների վերաբերյալ:

17։30 Արցախի պետական նախարար Գրիգորի Մարտիրոսյանը հանդիպում է անցկացրել Կարմիր Խաչի միջազգային կազմակերպության (ԿԽՄԿ) ներկայացուցչի հետ: Հանդիպման ընթացքում քննարկվել է հարցերի լայն շրջանակ՝ կապված հումանիտար օգնության հետ, որը տվյալ կազմակերպությունը պետք է տրամադրի Արցախին  ռազմական գործողությունների պայմաններում:

15:30 Թուրք-ադրբեջանական ուժերի կուտակումները ՀԱՊԿ անդամ երկրի սահմաններին չի կարող չանհանգստացնել, - հայտարարել է ՀՀ ներկայացուցիչը ՀԱՊԿ մշտական խորհրդի նիստի ընթացքում:

15:00 Պոմպեոն հայտարարեց, որ պետք է վերջ դրվի բռնությանը Լեռնային Ղարաբաղում:

14:15 Լեռնային Ղարաբաղի դեմ ագրեսիայի երրորդ օրը Ադրբեջանը հարձակվեց ՀՀ Վարդենիս քաղաքի վրա թուրքական ԱԹՍ-ներով՝ պատճառելով զոհեր քաղաքա­ցիական բնակչու­թյան շրջանում: Այս գործողությունը ռազմական և քաղաքական համապատասխան պատասխան է ստանալու,- գրել է Զոհրաբ Մնացականյանը Թվիթերում:

11։30 Արցախի Հանրապետության Մարդու իրավունքների պաշտպանը փաստահավաք առաքե­լության ընթացքում բացահայտել է ԱՀ 4 քաղաքացիական անձանց անուն­ները, ովքեր զոհ­վել են քաղաքացիական բնակավայրերում՝ ադրբեջանական զինված ուժերի կողմից Արցախի Հանրապետության քաղաքացիա­կան բնակչությանը հրետակոծման և ԱԹՍ-ների հարվածների հետևանքով: 

10:30 Հարձակում Վարդենիս քաղաքի վրա, Հայաստան: ԱԹՍ-ի հարվածից Վարդենիսում քաղա­քացիական ավտոբուս է վառվում: Թշնամին կրակ է բացել ՀՀ զինված ուժերի Վարդենիսի ռազմական բազայի վրա: Զոհվել է մեկ խաղաղ բնակիչ: Թշնամու այս գործողությանը նախորդել էր Ադրբեջանի ՊՆ ապատեղեկատվությունը այն մասին, որ իբրև թե ՀՀ Զինված Ուժերը Վարդենիսի շրջանից հրթիռակոծել էին Ադրբեջանի Դաշքեսանի շրջանը: Թուրքական օդային ուժերի F-16 կործանիչները օդ էին բարձրացել Ադրբեջանի Հանրապե­տության Գյանջայի օդանավակայանից և Ադրբեջանի Դայլար օդա­նավակա­յա­նից աջակ­ցում էին ադրբե­ջա­նա­կան Su -25 և թուրքական արտադրության Bayraktar հար­վածային ԱԹՍ-ների ավիադեսանտային /օդային/ հարվածներին Հայաս­տա­նի բնակա­վայրերի և Վարդենիս, Մեծ Մասրիկ, Սոթք շրջաններում տեղակայված ՀՀ ցամաքային զինվորական ստորաբաժանումների ուղղությամբ / Վարդենիս, ՀՀ/: Այս նույն ժամանակա­հատ­վա­ծում իր /ՀՀ/ սեփական ավիացիան մարտական առաջադրանքներ էր կատարում՝ կրակ ապահովելով ՀՀ հակաօդային պաշտպանության ուժերի /ՀՕՊ/ ստորա­բաժանում­նե­րին: Թուրքական ՌՕՈՒ F-16  բազմաֆունկցիոնալ կործանիչը Հայաստանի օդային տարած­քում խփեց հայկական Սու-25 կործանիչին՝ օդում իր մարտական առաջա­դրանքը կատարելիս: Դժբախտաբար, օդաչուն հերոսաբար զոհվեց: Թուրքական F-16  բազմա­ֆունկցիոնալ կործանիչը, ըստ թռիչքի տվյալների ձայնագրիչի /սև արկղ/, գտնվում էր 60կմ խորության և 8200 մ բարձրության վրա: 

09:40 ՀՀ ԱԳՆ-ն հերքում է Ադրբեջանի տարածած տեղեկությունը Վարդենիսից՝ Դաշքեսանի շրջանը հրթիռակոծելու վերաբերյալ:

08.00 ՀՀ ՊՆ խոսնակ Շուշան Ստեփանյանը գրում է, որ տարբեր ուժգնության մարտերը շարու­նակվում են արցախա-ադրբեջանական շփման գծում, որն ուղեկցվում է ադրբեջանա­կան կողմի հրետանային նախապատրաստվածու­թյամբ: Մինչև այս պահը, հայկական դիվի­զիա­ները ետ են շպրտել Ադրբեջանի զինված ուժերի հարձակումները շփման գծի մի քանի ուղղություններով, հակագրոհներ են կազմակերպել առանձին հատվածներում՝ հակա­ռա­կորդին պատճառելով և մարդկային, և ռազմական տեխնիկայի հսկայական կորուստներ: Մասնավորապես, վաղ առավոտյան ոչնչացվել է հակառակոր­դի հարձակվող զրահատեխնիկայի մի խումբ / վիդեոն շուտով հասանելի կլինի/: