Ընդհանուր տեղեկություններ

Հայաստանի Հանրապետության և Բրազիլիայի Դաշնային Հանրապետության միջև դիվանագիտական հարաբերությունները հաստատվել են 1992 թ. փետրվարի 17-ին:

Բրազիլիայի դեսպանությունը Հայաստանում գործում է 2006 թ. օգոստոսից:

Հայաստանի դեսպանությունը Բրազիլիայում գործում է 2010 թվականից։

2010 թ. դեկտեմբերի 28-ին ք. Սան Պաուլոյում Հայաստանի պատվավոր հյուպատոս է նշանակվել Հիլդա Բուրմայանը։

2022 թ. սեպտեմբերի 1-ին Հայաստանի Հանրապետության նախագահին իր հավատարմագրերն է հանձնել Հայաստանի Հանրապետությունում Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգան։

2023 թ. մայիսի 24-ին Բրազիլիայի Դաշնային Հանրապետության նախագահ Լուիս Ինասիո Լուլա դա Սիլվային իր հավատարմագրերն է հանձնել Բրազիլիայի Դաշնային Հանրապետությունում Հայաստանի Հանրապետության արտակարգ և լիազոր դեսպան Արմեն Եգանյանը։

Բրազիլիայի Դաշնային Սենատը ճանաչել է Հայոց Ցեղասպանությունը 2015 թ.:

Այցեր

Բրազիլիա

Հայաստան

Իրավապայմանագրային դաշտ

Համաձայնագրեր

• Հայաստանի Հանրապետության կառավարության և Բրազիլիայի Դաշնային Հանրապետության կառավարության միջև մշակութային համագործակցության մասին համաձայնագիր (ստորագրված 07.05.2002 թ.)
• Հայաստանի Հանրապետության կառավարության և Բրազիլիայի Դաշնային Հանրապետության կառավարության միջև դիվանագիտական և ծառայողական անձնագրեր ունեցողների համար առանց մուտքի արտոնագրերի ռեժիմ սահմանելու մասին համաձայնագիր (ստորագրված 07.05.2002 թ.)
• Երևանի քաղաքապետարանի և Սան Պաուլոյի քաղաքապետարանի միջև մշակույթի ասպարեզում համագործակցության և փոխանակումների վերաբերյալ մտադրությունների մասին արձանագրություն (ստորագրված 08.05.2002 թ.)
• Հայաստանի ֆուտբոլի ֆեդերացիայի և Սան Պաուլոյի ֆուտբոլային ակումբի «ՍՊՖԱ» միջև մտադրությունների մասին արձանագրություն (ստորագրված 08.05.2002 թ.)
• Հայաստանի Հանրապետության բնապահպանության նախարարության և Բրազիլիայի Դաշնային Հանրապետության Սան Պաուլո նահանգի շրջակա միջավայրի քարտուղարության միջև մտադրությունների մասին արձանագրություն (ստորագրված 08.05.2002 թ.)
• Հայաստանի Հանրապետության գյուղատնտեսության նախարարության և Բրազիլիայի Դաշնային Հանրապետության Սան Պաուլո նահանգի գյուղատնտեսության և մատակարարումների քարտուղարության միջև մտադրությունների մասին արձանագրություն (ստորագրված 08.05.2002 թ.)
• Հայաստանի պետական ճարտարագիտական համալսարանի և Վերնհեր ֆոն Բրաունի (Բրազիլիա) առաջադեմ հետազոտական կենտրոնի միջև մտադրությունների արձանագրություն (ստորագրված 08.05.2002 թ.)
• Հայաստանի Հանրապետության և Բրազիլիայի Դաշնային Հանրապետության միջև սովորական անձնագրեր կրող քաղաքացիների համար մուտքի արտոնագրի պահանջի վերացում։ Կատարվել է հայտագրերի փոխանակմամբ (25.11.2015 թ.)
• Հայաստանի Հանրապետության կառավարության և Բրազիլիայի Դաշնային Հանրապետության կառավարության միջև կրթության բնագավառում համագործակցության մասին համաձայնագիր (ստորագրված 12.08.2016 թ.)
• Հայաստանի Հանրապետության կառավարության և Բրազիլիայի Դաշնային Հանրապետության կառավարության միջև տեխնիկական համագործակցության մասին համաձայնագիր (ստորագրված 12.08.2016 թ.)

Հուշագրեր

• Երևանի «Շտաբ օգնություն» գիտաբժշկական կենտրոնի և «Սան Քրիստովան» հիվանդանոց – ծննդատան միջև հուշագիր մտադրությունների մասին (ստորագրված 08.05.2002 թ.)
• ՀՀ ԱԳՆ և ԲԴՀ ԱԳՆ միջև քաղաքական խորհրդակցությունների վերաբերյալ փոխըմբռնման հուշագիր (ստորագրված 12.08.2016 թ.)
• Հայաստանի Հանրապետության արտաքին գործերի նախարարության դիվանագիտական դպրոցի և Բրազիլիայի Դաշնային Հանրապետության արտաքին հարաբերությունների նախարարության «Ռիո Բրանկո» ինստիտուտի միջև համագործակցության մասին փոխըմբռնման հուշագիր (ստորագրված 12.08.2016 թ.)
• Հայաստանի Հանրապետության գյուղատնտեսության նախարարության և Բրազիլիայի Դաշնային Հանրապետության գյուղատնտեսության, անասնապահության և մատակարարման նախարարության միջև՝ գյուղատնտեսության մասին փոխըմբռնման հուշագիր (ստորագրված 12.08.2016 թ.)
• Հայաստանի Հանրապետության կառավարության և Բրազիլիայի Դաշնային Հանրապետության կառավարության միջև առևտրային և ներդրումային համագործակցության մասին փոխըմբռնման հուշագիր (ստորագրված 17.11.2017 թ.)

Համատեղ Հայտարարություններ

• Հայաստանի Հանրապետության նախագահի և Բրազիլիայի Դաշնային Հանրապետության նախագահի համատեղ հայտարարություն (ստորագրված 07.05.2002 թ.)

Առևտրատնտեսական կապեր

Հայաստանի և Բրազիլիայի միջև ապրանքաշրջանառության ծավալները (հազ. ԱՄՆ դոլար)

Արտահանվող հիմնական ապրանքատեսակներ՝

Թեթև արդյունաբերության ապրանքներ, ալկոհոլային խմիչքներ, էլեկտրաախտորոշիչ սարքավորումներ բուժման, վիրաբուժության և ատամնաբուժության նպատակով, քլորոպրենային կաուչուկ, քիմիական տարբեր ապրանքներ և նյութեր, մետաղյա խողովակներ

Ներմուծվող հիմնական ապրանքատեսակներ՝

Շաքար, շաքարի օշարակ, շինարարական սարքավորումներ, միս և մսամթերք, սուրճ, թութուն, քաղցրավենիք

Թարմացված է՝ 10.10.2024թ.