Ամուսնության բացակայության (ընտանեկան կարգավիճակի) վերաբերյալ տեղեկանք

1. Ո՞ր մարմինն է տրամադրում և ովքե՞ր կարող են դիմել ամուսնության բացակայության (ընտանեկան կարգավիճակի) վերաբերյալ տեղեկանք ստանալու համար։

Ընտանեկան կարգավիճակի վերաբերյալ տեղեկանք տրամադրում է ՀՀ արդարադատության նախարարությունը: Տեղեկանք ստանալու համար հնարավոր է դիմել առցանց՝ արդարադատության նախարարության  https://e-services.moj.am/ հանրային ծառայությունների մատուցման միասնական հարթակի միջոցով:

Տեղեկանք ստանալու համար կարող է դիմել՝

1. անձը, որի վերաբերյալ տրամադրվում է տեղեկանքը,
2. հայցողի կողմից լիազորված անձը (բացառությամբ էլեկտրոնային հարթակով դիմում ներկայացնելու դեպքի):

2. Ի՞նչ փաստաթղթեր պետք է ներկայացնել ամուսնության բացակայության (ընտանեկան կարգավիճակի) վերաբերյալ տեղեկանք ստանալու համար։

Անձամբ դիմելու դեպքում՝

1. դիմում,
2. անձը հաստատող փաստաթուղթ (անձնագիր կամ նույնականացման քարտ),
3. պետական տուրքի վճարումը հավաստող անդորրագիր,
4. ամուսնալուծված լինելու պարագայում՝ ամուսնալուծության վկայականի պատճեն։

Լիազորված անձի միջոցով դիմելու դեպքում՝

1. դիմում,
2. լիազորված անձի անձը հաստատող փաստաթուղթ,
3. հայցողի անձը հաստատող փաստաթղթի պատճեն,
4. հայցողի կողմից տրված պարզ լիազորագիր (նոտարական վավերացում չի պահանջվում),
5. նախկինում ամուսնության պետական գրանցում ունենալու դեպքում՝ նախորդ ամուսնությունը դադարելու հիմք հանդիսացող փաստաթուղթ (ամուսնալուծության վկայական կամ ամուսնալուծության մասին օրինական ուժի մեջ մտած դատավճիռ կամ ամուսնու (կնոջ) մահվան վկայական),
6. պետական տուրքի վճարման անդորրագիր:

Ամուսնության բացակայության վերաբերյալ տեղեկանքի համար պետական տուրքի չափը և վճարման եղանակը.

https://www.e-payments.am/hy/state-duties/step3/service=4142/