Հարգարժան հայրենակից,

Նկատի ունենալով այն հանգամանքը, որ Հանրապետության Նախագահի որոշմամբ եւ ՀՀ օրենքով ս.թ. հոկտեմբերի 1-ից ստեղծվելու է Սփյուռքի նախարարություն,
հաշվի առնելով նաեւ, որ Ձեր կառույցն ունի խոշոր ներդրում ազգակերտման եւ հայակերտման գործում, մեծագույն նպաստ` Հայաստան-Սփյուռք գործակցության զորացման ուղղությամբ,
ելնելով այն հանգամանքից, որ մշակվում է «Հայաստան-Սփյուռք գործակցության զարգացման մասին» հայեցակարգ,
ինձ պատիվ ու պատասխանատվություն է ընձեռնվել Ձեզ հետ միասին առաջիկա երեք ամիսների ընթացքում ձեւ ու հոգի հաղորդել այս կառույցին, անպայմանորեն հաշվի առնելով տանտիրոջ Ձե՚ր տեսիլքը, Ձե՚ր մտահոգությունը ու Ձե՚ր բարի խորհուրդը:
Մեծապես զգացված կլինենք առաջիկա 10-15 օրերի ընթացքում ստանալ Ձեր առաջարկությունները եւ տեսլականն այս հիմանխնդրի շուրջ:
Սպասում եմ Ձեզանից լուրի, իսկ եթե լինեք Հայաստանում, խնդրում եմ հանդիպել եւ քննարկել Ձեր յուրաքանչյուր գաղափարը:
Հ.Գ. Օգտվելով հնարավորությունից, շատ կփափագենք ունենալ որքան հնարավոր է ընդարձակ տեղեկատվություն Ձեր կազմակերպության եւ համայնքի մասին /կրթություն, մշակույթ, երիտասարդություն, վիճակագրական տվյալներ, լրատվամիջոցներ, Հայաստանում իրականացվող ծրագրեր եւ այլն/:

Կանխավ շնորհակալ եմ,
հարգանքով`

Հրանուշ Հակոբյան

Ձեր առաջարկությունները կարող եք ուղարկել հետեեւյալ հասցեներով.

 

ՀԱՆՐԱՊԵՏՈՒԹՅԱՆ ՀՐԱՊԱՐԱԿ, ԿԱՌԱՎԱՐԱԿԱՆ 2 ՇԵՆՔ, ԵՐԵՎԱՆ 375010
Tel. (37410) 58 39 78
E-Mail Diaspora@mfa.am
Spyurk.committee@mfa.am
GOVERNMENT HOUSE 2 , REPUBLIC SQUARE , YEREVAN 375010