ՀՀ ԱԳ փոխնախարար Արման Կիրակոսյանի հանդիպումը Հունգարիայի ԱԳՆ պետ.քարտուղարի տեղակալ Յանոշ Հովարիի հետ
27 հունիսի, 2011Հունիսի 27-ին ՀՀ ԱԳ փոխնախարար Արման Կիրակոսյանն ընդունեց Հունգարիայի ԱԳՆ պետ.քարտուղարի տեղակալ Յանոշ Հովարիին:
Հանդիպման ընթացքում կողմերն անդրադարձան Հայաստանի և Հունգարիայի միջև առկա երկկողմ բարեկամական հարաբերություններին, քննարկեցին երկուստեք հետաքրքրություն ներկայացնող քաղաքական, մշակութային հարցեր, ինչպես նաև միջազգային կազմակերպությունների շրջանակներում երկու երկրների միջև համագործակցությանն ընդլայնման խնդիրները:
Կողմերը գոհունակություն հայտնեցին հարաբերությունների ներկա մակարդակից և հույս հայտնեցին, որ կարվի լավագույնն` էլ ավելի ամրապնդելու երկու ԱԳՆ-ների միջեւ համագործակցությունը: Պրն. Հովարին հրավիրեց պրն. Կիրակոսյանին այցելել Հունգարիա` սկսված երկխոսությունը շարունակելու համար:
Հանդիպմանը մասնակցում էին նաև ՀՀ-ում Հունգարիայի արտակարգ և լիազոր դեսպան Գաբոր Սագին և ՀՀ ԱԳՆ միջազգային կազմակերպությունների վարչության պետ Վահրամ Կաժոյանը: