16-ին Երեւանում տեղի ունեցան քաղաքական խորհրդակցություններ Հայաստանի Հանրապետության ու Կորեայի Հանրապետության արտաքին քաղաքական գերատեսչությունների միջեւ:

Հայկական կողմից պատվիրակությունը գլխավորում էր ՀՀ ԱԳ նախարարի տեղակալ Սերգեյ Մանասարյանը, կորեական կողմից` Կորեայի արտաքին գործերի եւ առեւտրի նախարարության Եվրոպայի բյուրոյի գլխավոր տնօրեն Լի Վուկ-հեոն:

Խորհրդակցությունների ընթացքում կողմերը քննարկեցին երկկողմ հարաբերություններին առնչվող հարցերի լայն շրջանակ, մասնավորապես` բարձրաստիճան պաշտոնյաների փոխայցելությունների, առեւտրատնտեսական, մշակութային կապերի ակտիվացումը, իրավապայմանագրային դաշտի զարգացումը, ինչպես նաեւ միջազգային կազմակերպությունների շրջանակներում իրականացվող երկկողմ համագործակցությունը:

Հանդիպմանն անդրադարձ կատարվեց նաեւ տարածաշրջանային խնդիրներին: Այդ համատեքստում փոխարտգործնախարար Մանասարյանը հյուրերին ներկայացրեց արցախյան հիմնախնդրի կարգավորման գործընթացի վերջին զարգացումները: