Սենեգալի դեսպանը ՀՀ ԱԳ նախարարի տեղակալին հանձնեց իր հավատարմագրերի պատճենը
21 նոյեմբերի, 2011Նոյեմբերի 21-ին ՀՀ ԱԳ նախարարի տեղակալ Սերգեյ Մանասարյանն ընդունեց Հայաստանում Սենեգալի նորանշանակ դեսպան Մամադու Սալիու Դիուֆին (նստավայրը` Մոսկվա)` հավատարմագրերի պատճենի հանձնման կապակցությամբ:
Պաշտոնական արարողությանը հաջորդած զրույցի ընթացքում փոխնախարար Մանասարյանը, շնորհավորելով դեսպանին նշանակման կապակցությամբ, համոզմունք հայտնեց, որ Հայաստանի եւ Սենեգալի միջեւ ձեւավորված բարեկամական հարաբերությունները կշարունակեն զարգանալ եւ խորանալ:
Դեսպան Դիուֆը վստահեցրեց, որ կանի առավելագույնն երկկողմ հարաբերությունների զարգացմանը նպաստելու համար:
Զրուցակիցները քննարկեցին միջազգային եւ տարածաշրջանային հարցերի լայն շրջանակ: Մասնավորապես կարեւորվեց համագործակցությունն այնպիսի միջազգային կառույցներում, ինչպիսիք են ՄԱԿ-ը, ՅՈՒՆԵՍԿՕ-ն, Ֆրանկոֆոնիայի Միջազգային կազմակերպությունը:
Հյուրի խնդրանքով Սերգեյ Մանասարյանը ներկայացրեց արցախյան հիմնախնդրի բանակցային գործընթացի վերջին զարգացումները: