Հայաստանի արտգործնախարարն ընդունեց ԱՊՀ դիտորդական առաքելության ղեկավարին
03 մայիսի, 2012Մայիսի 3-ին ՀՀ ԱԳ նախարար Էդվարդ Նալբանդյանն ընդունեց ԱՊՀ դիտորդական առաքելության ղեկավար, ԱՊՀ գործադիր քարտուղարի տեղակալ Վլադիմիր Գարկունին:
ԱՊՀ դիտորդական առաքելության ղեկավարը, բարձր գնահատելով դիտորդական առաքելությունների իրականացման համար ՀՀ իշխանությունների ստեղծած պայմանները, ընդգծեց, որ իրենց գնահատմամբ երկրում ստեղծված են անհրաժեշտ պայմանները հավասար ընտրարշավի ու ազատ ընտրությունների անցկացման համար:
Վլադիմիր Գարկունը Էդվարդ Նալբանդյանին տեղեկացրեց, որ ԱՊՀ դիտորդները առաքելությունն իրականացնելու են ՀՀ բոլոր մարզերում ու ներկայացրեց ԱՊՀ դիտորդական առաքելության աշխատակարգը և ընտրությունների վերաբերյալ եզրակացություն կազմելու չափանիշներն ու սկզբուքնները:
Հանդիպմանը զրուցակիցներն անդրադարձան ընտրական գործընթացներին առնչվող մի շարք հարցերի: