ԱԳ նախարարն ընդունեց ԵԱՀԿ-ում շվեյցարական նախագահության համակարգողին
06 մարտի, 2013Մարտի 6-ին ՀՀ ԱԳ նախարար Էդվարդ Նալբանդյանն ընդունեց հաջորդ տարի ԵԱՀԿ-ում շվեյցարական նախագահության համակարգող դեսպան Հեյդի Գրաուին:
Հանդիպմանը հանգամանալից քննարկվեցին ԵԱՀԿ օրակարգային մի շարք հարցեր, շվեյցարական նախագահության առաջնահերթությունների մշակման գործընթացը։
Զրուցակիցներն անդրադարձան Լեռնային Ղարաբաղի հակամարտության խաղաղ կարգավորման հանգուցալուծման ուղղությամբ Հայաստանի և միջազգային հանրության կողմից գործադրվող ջանքերին: