Սեպտեմբերի 16-ին Ֆրիբուրգում տեղի ունեցան քաղաքական խորհրդակցություններ Հայաստանի Հանրապետության և Շվեյցարական Համադաշնության արտաքին քաղաքական գերատեսչությունների միջև:

Հայկական պատվիրակությունը գլխավորում էր ՀՀ արտաքին գործերի նախարարի տեղակալ Կարեն Նազարյանը, շվեյցարականը՝ Շվեյցարիայի արտաքին գործերի դաշնային դեպարտամենտի պետքարտուղար Իվ Ռոսիեն:

Կողմերը քննարկեցին երկկողմ քաղաքական օրակարգի, առևտրատնտեսական, հյուպատոսական, իրավապայմանագրային ոլորտներում, ինչպես նաև միջազգային կազմակերպությունների շրջանակներում համագործակցությանն առնչվող հարցեր:

Երկուստեք կարևորվեց Շվեյցարիայի զարգացման գործակալության աջակցությամբ Հայաստանում տարբեր ոլորտներում հաջողությամբ իրականացվող ծրագրերի շարունակումը:

Կողմերը մտքեր փոխանակեցին տարածաշրջանում տեղի ունեցող զարգացումների շուրջ: Անդրադարձ կատարվեց ԼՂ հիմնախնդրի խաղաղ կարգավորման գործընթացին: