Բելառուսում ՀՀ դեսպանությունը մասնակցեց դիվանագիտական բարեգործական տոնավաճառին
09 դեկտեմբերի, 2017
Դեկտեմբերի 9-ին Մինսկի Պեկին հյուրանոցում կայացավ Սուրբ Ծննդյան բարեգործական տոնավաճառ, որը կազմակերպել էր դեսպանների, դիվանագետների և օտարերկրյա ներկայացուցիչների կանանց Մինսկի միջազգային ակումբը:
Տոնավաճառին ակտիվ մասնակցություն ունեցավ Բելառուսում ՀՀ դեսպանությունը՝ ներկայացնելով հայկական ապրանքները, հուշանվերները, ինչպես նաև հայկական խոհանոցի ուտեստներն ու քաղցրավենիքները: Միջոցառմանը նաև կատարմամբ հանդես եկավ «Էրեբունի» պարային համույթը:
Հայկական տաղավարը լայնորեն լուսաբանվեց տեղական ԶԼՄ-ների կողմից: