Հայաստանի և Վրաստանի արտգործնախարարների հանդիպումը
26 դեկտեմբերի, 2017
Դեկտեմբերի 26-ին Թբիլիսիում ՀՀ Նախագահի գլխավորած պատվիրակության կազմում գտնվող ԱԳ նախարար Էդվարդ Նալբանդյանը հանդիպեց Վրաստանի փոխվարչապետ, արտգործնախարար Միխեիլ Ջանելիձեին:
Էդվարդ Նալբանդյանն ու Միխեիլ Ջանելիձեն ամփոփեցին Հայաստանի Նախագահի՝ Վրաստան պաշտոնական այցելության արդյունքները, Թբիլիսիում կայացած հանդիպումներին ձեռք բերված պայմանավորվածություններից բխող երկու երկրների արտգործնախարարություններին տրված հանձնարարականները և նախանշեցին դրանց իրականացման ուղիները։
Հայաստանի և Վրաստանի արտաքին գերատեսչությունների ղեկավարները մտքեր փոխանակեցին տարածաշրջանային ու միջազգային մի շարք հրատապ խնդիրների շուրջ: