Դեսպան Մելքոնյանի հանդիպումը Եգիպտոսի Ներգաղթի և արտագաղթածների նախարարի հետ
03 սեպտեմբերի, 2018
Սեպտեմբերի 3-ին Եգիպտոսում ՀՀ դեսպան Արմեն Մելքոնյանը հանդիպեց ԵԱՀ Ներգաղթի և արտագաղթածների նախարար Նաբիլա Մաքրամին։
Շնորհակալություն հայտնելով ընդունելության համար՝ դեսպան Մելքոնյանը ներկայացրեց սփյուռքի հետ համագործակցության, օտար երկրներում հայապահպանության և հայրենիքի բարգավաճմանը նպաստելու նպատակով համազգային ներուժը համախմբելու Հայաստանի հարուստ փորձը:
Նաբիլա Մաքրամը բարձր գնահատեց Եգիպտոսի հանրային կյանքում եգիպտահայ համայնքի ավանդաբար ունեցած նշանակալի ներդրումը:
Հանդիպման ընթացքում քննարկվեցին սփյուռքի հարցերով երկկողմ և բազմակողմ ձևաչափերով համագործակցության հեռանկարները, մտքեր փոխանակվեցին այդ ուղղությամբ գործնական քայլերի և փոխադարձ շփումների ակտիվացման հնարավորությունների շուրջ։