ՀՀ և Ալժիրի ԱԳ նախարարների հանդիպումը
27 սեպտեմբերի, 2018Սեպտեմբերի 27-ին Նյու Յորքում՝ ՄԱԿ-ի Գլխավոր ասամբլեայի 73-րդ նստաշրջանի աշխատանքներին մասնակցող արտգործնախարար Զոհրաբ Մնացականյանը հանդիպեց Ալժիրի իր գործընկերոջ՝ Աբդելքադեր Մեսսահելի հետ։
Զրուցակիցները մտքեր փոխանակեցին երկկողմ օրակարգի մի շարք հարցերի շուրջ: ԱԳ նախարարներն ընդգծեցին տարբեր ոլորտներում համագործակցության ամրապնդման նպատակով գործնական քայլեր ձեռնարկելու հանձնառությունը՝ այս համատեքստում կարևորելով երկու երկրների արտաքին գործերի նախարարությունների միջև քաղաքական խորհրդակցությունների անցկացումը:
ԱԳ նախարարները նաև անդրադարձան միջազգային կազմակերպությունների շրջանակներում փոխգործակցության զարգացման հեռանկարներին:
Հայաստանի և Ալժիրի ԱԳ նախարարները քննարկեցին Երևանում կայանալիք Ֆրանկոֆոնիայի 17-րդ գագաթաժողովի նախապատրաստական աշխատանքներին և նախատեսվող հարակից միջոցառումներին առնչվող հարցեր: