ԱՄՆ-ում ՀՀ նորանշանակ դեսպանն իր հավատարմագրերի պատճենը հանձնեց ԱՄՆ Արարողակարգի ծառայության պետին
15 նոյեմբերի, 2018Նոյեմբերի 15-ին ԱՄՆ-ում ՀՀ նորանշանակ դեսպան Վարուժան Ներսեսյանն իր հավատարմագրերի պատճենը հանձնեց ԱՄՆ Արարողակարգի ծառայության ղեկավար, դեսպան Շոն Լոուլերին:
Շնորհավորելով Վարուժան Ներսեսյանին ԱՄՆ-ում դիվանագիտական առաքելությունը սկսելու կապակցությամբ` դեսպան Լոուլերը համոզմունք հայտնեց, որ ՀՀ դեսպանն իր ներդրումը կունենա Հայաստան-ԱՄՆ բարեկամական հարաբերությունների խթանման գործում:
Դեսպան Ներսեսյանը շնորհակալություն հայտնեց ջերմ ընդունելության համար և ընդգծեց իր պատրաստակամությունը ջանքեր գործադրել ՀՀ-ԱՄՆ քաղաքական օրակարգի ընդլայնման ուղղությամբ:
Հանդիպման ընթացքում զրուցակիցներն ի թիվս այլ հարցերի անդրադարձ կատարեցին մշակութային և տնտեսական փոխգործակցության հեռանկարներին՝ առանձնապես կարևորելով առևտրային և գործարար կապերի խթանումը ու ներդրումների խրախուսումը, զբոսաշրջության ոլորտում համագործակցության խորացումը: