Դեսպան Աշոտ Սմբատյանը մասնակցեց ԳԴՀ Սաքսոնիա-Անհալթ երկրամասի Քրիստոնեա-դեմոկրատական միություն կուսակցության երիտասարդական միության տարեկան համագումարին
24 նոյեմբերի, 2018
Նոյեմբերի 24-ին տեղի ունեցավ Գերմանիայի Սաքսոնիա-Անհալթ երկրամասի Քրիստոնեա-դեմոկրատական միություն կուսակցության (ՔԴՄ) երիտասարդական միության տարեկան համագումարը, որին որպես պատվավոր հյուր հրավիրված էր նաև Գերմանիայի Դաշնային Հանրապետությունում Հայաստանի Հանրապետության դեսպան Աշոտ Սմբատյանը:
Համագումարին բացման խոսքով հանդես եկան երկրամասի վարչապետ Ռայներ Հազելհոֆը և երկրամասի ՔԴՄ կուսակցության խմբակցության նախագահ Թոմաս Վեբելը:
Դեսպան Աշոտ Սմբատյանը հանդես եկավ հակիրճ դասախոսությամբ` անդրադառնալով ՀՀ-ԵՄ, ՀՀ-ԳԴՀ հարաբերություններին, ինչպես նաև Հայաստանի արտաքին քաղաքականության առաջնահերթություններին և ՀՀ ներքաղաքական զարգացումներին:
Աշոտ Սմբատյանն իր ելույթում անդրադարձավ նաև Հայաստանի տնտեսական հնարավորություններին` նշելով գերմանացի գործարարների համար Հայաստանի վստահելի գործընկեր լինելը:
Համագումարին դեսպանը պատասխանեց ներկաների բազմաթիվ հարցերին: