Դեսպան Աթաբեկյանի հանդիպումը Լիբանանի վճռաբեկ դատարանի նախագահի հետ
25 հունվարի, 2019Հունվարի 25-ին Լիբանանում ՀՀ դեսպան Վահագն Աթաբեկյանը հանդիպում ունեցավ Լիբանանի վճռաբեկ դատարանի նախագահ Ժան Ֆահեդի (Jean Fahed) հետ:
Զրուցակիցները քննարկեցին երկկողմ շրջանակում դատական համակարգի համագործակցության, ինչպես նաև՝ Ֆրանսախոս երկրների վճռաբեկ դատարանների ասոցիացիայի ձևաչափով փոխգործակցության մի շարք հարցեր:
Հանդիպման ընթացքում քննարկվեց ոլորտային համագործակցության խորացման նպատակով փոխայցելությունների կազմակերպումը։