Մարտի 15-ին Բելառուսում Հայաստանի դեսպան Արմեն Ղևոնդյանը հանդիպեց Բելառուսի արտաքին գործերի նախարարի տեղակալ Անդրեյ Դապկյունասի (Андрей Дапкюнас) հետ։

Հանդիպմանը քննարկվեցին միջազգային կազմակերպությունների օրակարգային մի շարք թեմաներ, քննարկվեցին ՄԱԿ-ի շրջանակներում Հայաստանի և Բելառուսի փոխադարձ աջակցությանն առնչվող հարցեր:

Հայ-բելառուսական երկկողմ համագործակցության հետագա զարգացման համատեքստում դեսպան Ղևոնդյանը և փոխնախարար Դապկյունասը մտքեր փոխանակեցին փոխադարձ հետաքրքրություն ներկայացնող մի շարք հարցերի շուրջ։