ԱԳ նախարար Զոհրաբ Մնացականյանը մասնակցեց զինված ուժերի ղեկավար կազմի օպերատիվ հավաքին
25 մարտի, 2019
Մարտի 25-ին ՀՀ ԱԳ նախարար Զոհրաբ Մնացականյանը մասնակցեց ՀՀ ՊՆ վարչական համալիրում տեղի ունեցած զինված ուժերի ղեկավար կազմի օպերատիվ հավաքին և հանդես եկավ Լեռնային Ղարաբաղի հիմնախնդրի վերաբերյալ դասախոսությամբ:
Նախարար Մնացականյանը կարևորեց երկու գերատեսչությունների միջև նման մակարդակով շփումների և գործնական կապերի շարունակականությունը:
ՀՀ ԱԳ ղեկավարը ներկայացրեց հակամարտության կարգավորման ուղղությամբ Հայաստանի սկզբունքային դիրքորոշումը և մոտեցումները՝ վերահաստատելով հայկական կողմի հանձնառությունը ԵԱՀԿ Մինսկի խմբի համանախագահների հովանու ներքո հիմնախնդրի բացառապես խաղաղ կարգավորմանը:
Հանդիպման ընթացքում Զոհրաբ Մնացականյանը պատասխանեց ներկաների հարցերին: