Մայիսի 12-ին Եգիպտոսում ՀՀ դեսպան Կարեն Գրիգորյանը հանդիպում ունեցավ Եգիպտոսի միջազգային համագործակցության և ներդրումների նախարար, հայ-եգիպտական միջկառավարական հանձնաժողովի համանախագահ Սահար Նասրի (Sahar Nasr) հետ։

Հանդիպման ընթացքում նախարար Սահար Նասրը հայտնեց ընթացիկ տարում հայ-եգիպտական միջկառավարական հանձնաժողովի հերթական նիստը Կահիրեում գումարելու եգիպտական կողմի պատրաստակամությունը։

Կողմերը քննարկեցին ԵՏՄ-Եգիպտոս ազատ առևտրի համաձայնագրի շուրջ բանակցությունների ընթացքը, երկկողմ իրավապայմանագրային դաշտի ընդլայնման վերաբերյալ հարցեր։