ՀՀ ԱԳ նախարարի հանդիպումն ԻԻՀ նախագահի հետ
23 հոկտեմբերի, 2023
Հոկտեմբերի 23-ին Թեհրանում Իրանի Իսլամական Հանրապետության նախագահ Էբրահիմ Ռայիսին ընդունել է ԱԳ նախարար Արարատ Միրզոյանին:
Զրուցակիցները գոհունակությամբ արձանագրել են, որ երկու հարևան և բարեկամ երկրների միջև ձևավորվել է բարձր մակարդակի քաղաքական երկխոսություն՝ հիմնված փոխադարձ հարգանքի և երկու ժողովուրդների հազարամյա եղբայրության վրա:
ՀՀ ԱԳ նախարարը և ԻԻՀ նախագահը կարևորել են տարբեր ոլորտներում ՀՀ-ԻԻՀ փոխգործակցության խորացումը և այդ ուղղությամբ պայմանավորվածությունների իրականացման ուղղությամբ գործուն քայլերի իրականացումը:
Արարատ Միրզոյանը և Էբրահիմ Ռայիսին քննարկել են նաև տարածաշրջանային և միջազգային անվտանգությանը վերաբերող հարցեր:
Հակամարտությունների համատեքստում ՀՀ ԱԳ նախարար Արարատ Միրզոյանն ընդգծել է, որ ՀՀ դիրքորոշումն առանձնահատուկ է, քանզի բոլորովին վերջերս է ՀՀ-ն և ԼՂ ժողովուրդն առերեսվել ԼՂ ժողովրդի նկատմամբ ուժի կիրառմանն ու բռնի տեղահանմանը, քաղաքացիական բնակչության՝ կանանց, երեխաների, սովորական ընտանիքների տառապանքներին: