Սեպտեմբերի 11-ին «Երևանյան երկխոսություն» միջազգային համաժողովի շրջանակներում ՀՀ ԱԳ նախարարի տեղակալ Վահան Կոստանյանը հանդիպել է ԻԻՀ ԱԳ նախարարի տեղակալ Մոհամմադ Հասան Շեյխոլէսլամիի հետ: 

Զրուցակիցները քննարկել են Հայաստանի և Իրանի միջև երկկողմ հարաբերությունների օրակարգային հարցեր՝ երկուստեք պատրաստակամություն հայտնելով ակտիվացնել երկխոսությանը գիտահետազոտական ոլորտում:

ՀՀ ԱԳ նախարարի տեղակալն ընդգծել է մշակույթի և գիտակրթական ոլորտներում երկու երկրների համագործակցության, ինչպես նաև համատեղ ուսումնասիրություններ և հետազոտություններ կատարելու կարևորությունը:

Հանդիպման ընթացքում կողմերն անդրադարձել են նաև տարածաշրջանային գործընթացներին և այդ համատեքստում Հայաստան-Իրան փոխգործակցության հեռանկարներին: