Գլխավոր քարտուղարի մասնակցությունը Հայաստանի ազգային պատկերասրահում կայացած մշակութային միջոցառմանը
12 փետրվարի, 2025
Փետրվարի 12-ին Հայաստանի ազգային պատկերասրահում մեկնարկել է Հայաստանի Հանրապետությունում հավատարմագրված դիվանագիտական ներկայացուցչությունների համար նախաձեռնված մշակութային միջոցառումների շարքը, որի ընթացքում բացման խոսքով հանդես է եկել ՀՀ ԱԳ նախարարության գլխավոր քարտուղար Դավիթ Կարապետյանը:
Ողջունելով հյուրերին՝ Դավիթ Կարապետյանը շնորհակալություն է հայտնել ներկա գտնվելու համար, ինչպես նաև Հայաստանի ազգային պատկերասրահին բեղուն համագործակցության և հիասքանչ հյուրընկալության համար: Դավիթ Կարապետյանն իր խոսքում կարևորել է նման միջոցառումների անցկացումը, որը միտված է առավել սերտացնելու շփումները Հայաստանում հավատարմագրված դիվանագիտական կորպուսի հետ:
Այցի շրջանակներում դիվանագետները ծանոթացնել են պատկերասրահի հավաքածուի մի մասին, ինչպես նաև ՀՀ ԱԳ նախարարության ու Հայաստանի ազգային պատկերասրահի հետ համատեղ իրականացված նախագծերին: