Գլխավոր քարտուղարի մասնակցությունը Հայաստանի պատմության թանգարանում կայացած մշակութային միջոցառմանը
05 մարտի, 2025
Մարտի 5-ին Հայաստանի պատմության թանգարանում տեղի է ունեցել Հայաստանի Հանրապետությունում հավատարմագրված դիվանագիտական ներկայացուցչությունների համար նախաձեռնված մշակութային հերթական միջոցառումը, որի ընթացքում ողջույնի ուղերձ է հղել ՀՀ ԱԳ նախարարության գլխավոր քարտուղար Դավիթ Կարապետյանը:
Իր ելույթում Դավիթ Կարապետյանն ընդգծել է Հայաստանի հանձնառությունը առավել զարգացնելու մշակութային դիվանագիտությունը և երկխոսությունը: Նա նաև բարձր է գնահատել Հայաստանի պատմության թանգարանի հետ ձևավորված համագործակցությունը և այս միջոցառման հյուրընկալությունը:
Ելույթից հետո հյուրերը մասնակցել են թանգարանի կողմից կազմակերպված շրջայցին, որի շրջանակներում հնարավորություն են ունեցել տեսնելու Անահիտ աստվածուհու բրոնզաձույլ արձանից պահպանված գլուխն ու ձեռքը: