ՀՀ ԱԳՆ գլխավոր քարտուղարի հանդիպումը Չեխիայի ԱԳՆ պետական քարտուղարի հետ
03 ապրիլի, 2025
Ապրիլի 3-ին աշխատանքային այցով Չեխիայի Հանրապետությունում գտնվող ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի ԱԳՆ պետական քարտուղար Ռադեկ Ռուբեշի հետ:
Հանդիպման ընթացքում կողմերը քննարկել են հայ-չեխական երկկողմ համատեղ հետաքրքրություն ներկայացնող մի շարք հարցեր: Երկուստեք ընդգծվել է երկու գերատեսչությունների միջև համագործակցության խորացման, փորձի փոխանակման կարևորությունը:
Զրուցակիցները մտքեր են փոխանակել երկու երկրների դիվանագիտական դպրոցների միջև համագործակցության սերտացման շուրջ: