Ի ԳԻՏՈՒԹՅՈՒՆ ԼՐԱՏՎԱՄԻՋՈՑՆԵՐԻՆ
16 Սեպտեմբերի, 2024Սեպտեմբերի 30-ից հոկտեմբերի 1-ը Երևանում կայանալիք երրորդ Եվրասիական տնտեսական ֆորումի և Եվրասիական միջկառավարական խորհրդի հերթական նիստի լուսաբանման համար լրատվամիջոցների ներկայացուցիչներին մինչև սեպտեմբերի 20-ը անհրաժեշտ է հավատարմագրում անցնել ՀՀ ԱԳՆ-ում` media@mfa.am հասցեին ուղարկելով հետևյալ տեղեկատվությունը.
- Լրատվամիջոցի անվանումը,
- Լրատվամիջոցի ներկայացուցչի անուն-ազգանունը և պաշտոնը (ռուսերեն տարբերակով),
- Անձնագրի կամ անձը հաստատող այլ փաստաթղթի լուսապատճենը (․pdf կամ ․jpg ձևաչափով),
- Լուսանկար (․jpg ձևաչափով, օգտագործվելու է բեյջի համար),
- ՀՀ ԱԳՆ լրատվության և հանրային դիվանագիտության վարչությանը հասցեագրված նամակ` լրատվամիջոցի ղեկավարի կամ գլխավոր խմբագրի ստորագրությամբ և կնիքով (․pdf ձևաչափով)։
Լրատվամիջոցների այն ներկայացուցիչները, ովքեր ունեն ՀՀ ԱԳՆ 2024թ.-ի հավատարմագրում, media@mfa.am հասցեին ուղարկված նամակում կարող են նշել արդեն հավատարմագրված լինելու հանգամանքը և ուղարկել միայն հետևյալ տեղեկատվությունը.
- Լրատվամիջոցի անվանումը,
- Լրատվամիջոցի ներկայացուցչի անուն-ազգանունը (ռուսերեն տարբերակով),
- Լուսանկար (․jpg ձևաչափով)։
Հավատարմագրված լրագրողներին կհատկացվեն դեղին հիմնագույնի բեյջ՝ «Пресса» տարբերիչ նշումով, որը հնարավորություն է տալիս մուտք ունենալ մամուլի կենտրոն։
Խնդրում ենք էլեկտրոնային նամակի «Թեմա» բաժնում նշել «ԵՏՄԽ նիստ»:
Վերջնաժամկետից ուշ ներկայացված և վերոնշյալ չափանիշները չբավարարող դիմումները չեն դիտարկվելու:
Լրացուցիչ հարցերի դեպքում կարող եք զանգահարել ՀՀ ԱԳՆ լրատվության և հանրային դիվանագիտության վարչության աշխատակիցներին․
հեռ.՝ +374 60 620 459/205
էլ. փոստ` media@mfa.am